Якубовіч пракаментуе сваю магчымую паездку ў Ізраіль пасля водпуску

Павел Якубовіч, галоўны рэдактар газеты Адміністрацыі прэзідэнта “Советская Белоруссия”, пакуль адмаўляецца каментаваць сваю магчымую паездку ў Ізраіль для залагоджвання "беларуска-ізраільскага канфлікту". Нагадаем, выказванне Аляксандра Лукашэнкі пра Бабруйск і габрэяў падчас сустрэчы з расійскімі журналістамі выклікала пратэст МЗС Ізраіля, беларускаму амбасадару Ігару Ляшчэню давялося даваць тлумачэнні.

Газета The Jerusalem Post паведаміла, што ў Ізраіль ужо на наступным тыдні прыбудзе Павел Якубовіч, які сустрэнецца з прадстаўнікамі знешнепалітычнага ведамства гэтай краіны, СМІ і паспрабуе залагодзіць канфлікт.

Як паведаміў Еўрарадыё Якубовіч, ён пракаментуе сітуацыю толькі “праз 7-8 дзён, калі выйдзе з адпачынку”.