З 1 снежня ў сталіцы адкрыецца яшчэ адзін мабільны каток

Нарошчваннем лядовага пакрыцця зараз займаюцца ў Парку 900-годдзя Мінска. Аптымальны тэмпературны рэжым для падтрымкі замарозкі - пяць градусаў цяпла. Спецыялістам пакуль удалося намарозіць усяго адзін сантыметр лёду.

Кошт пракату спартыўнага інвентару, як і ў мінулым годзе, строга фіксаваны. Пазычыць на гадзіну пару канькоў абыдзецца ўсяго ў тысячу рублёў, паведамляе Белтэлерадыёкампанія.

Начальнік аддзела ўпраўлення фізічнай культуры, спорту і турызму Мінскага гарвыканкама Сяргей Юхнавец распавёў, што зараз ідзе нарошчванне лёду. Але ўмовы надвор'я, на жаль, не дазваляюць з тымі тэмпамі нарасціць неабходную падушку лёду, каб не пашкодзіць пакрыццё.