З расійскага палону вызвалілі ўкраінскага медыка і валанцёра "Тайру"
З расійскага палону вызвалілі ўкраінскага медыка і валанцёра Юлію Паеўскую (пазыўны — "Тайра"). Яна ўжо дома, паведаміў у пятніцу прэзідэнт Украіны Уладзімір Зяленскі.
"Тайра" трапіла ў палон у Марыупалі ў сярэдзіне сакавіка. Перад гэтым яна перадала журналістам адзнятыя ў горадзе кадры з нагрудной камеры, зробленыя падчас пачатковага этапу абароны. Іх апублікавала Associated Press.
