За паўгода Раскамнагляд атрымаў ад расіян амаль 145 тысяч даносаў
За першае паўгоддзе 2022 года Раскамнагляд атрымаў 144 835 зваротаў. Гэта на чвэрць больш, чым за аналагічны перыяд мінулага года, адзначае прэс-служба ведмства.
"Часцей за ўсё грамадзяне звярталіся ў Раскамнагляд з просьбай выдаліць спасылкі на рэсурсы з праўкраінскай прапагандай", — адзначаюць чыноўнікі.
Найбольшую колькасць зваротаў Раскамнагляд атрымаў у сакавіку — больш за 10 тысяч. Гэта амаль у чатыры разы больш, чым у сакавіку 2021-га.
Акрамя барацьбы з украінскім кантэнтам расіяне пісалі даносы на антываенную інфармацыю. Як гэта называюць у Раскамнаглядзе, большая частка пытанняў датычыла "размяшчэння ў інтэрнэце супрацьпраўнай інфармацыі, у тым ліку фэйкаў аб правядзенні спецыяльнай ваеннай аперацыі" ва Украіне.
