Заіка: У верасні бюджэт давядзецца зноў перапісваць

У жніўні-верасні з-за традыцыйнага эканамічнага спаду ў летнія месяцы ўладам давядзецца чарговы раз карэктаваць агульнадзяржаўны бюджэт. Такое меркаванне Еўрарадыё выказаў кіраўнік аналітычнага цэнтра “Стратэгія” Леанід Заіка.
Прэзідэнцкі ўказ ад 28 траўня аб скарачэнні расходнай часткі бюджэту эканаміст называе фармальным і паспешлівым рашэннем.

Заіка: “На сённяшні дзень больш важнымі будуць паказчыкі на верасень-кастрычнік. Такая неўратычная спешка фармальная. Яшчэ пару месяцаў – і наноў давядзецца рамантаваць карабель”.