Замест абвяшчэння жалобы па паляках Лукашэнка абмежаваўся паўмерамі
Аляксандр Лукашэнка даручыў усім дзяржаўным сродкам масавай інфармацыі ў нядзелю, 18 красавіка, абмежаваць трансляцыю забаўляльных праграм з 12 да 18 гадзінаў. Як адзначае БЕЛТА, гэта звязана з пахаваннем прэзідэнта Польшчы Леха Качыньскага і іншых загінулых у выніку авіякатастрофы пад Смаленскам. Кіраўнік дзяржавы прапанаваў недзяржаўным СМІ таксама перагледзець сетку свайго вяшчання ў гэтыя гадзіны.
