Затрыманыя вандалы, якія скралі бронзавыя партрэты герояў вайны

У Брэсце затрымалі двух мясцовых жыхароў, якія скралі чатыры барэльефных партрэты з алеі «Іх імёнамі названыя вуліцы Брэста».  Скрадзеныя бронзавыя партрэты савецкіх вайскоўцаў і падпольшчыкаў ужо вернутыя на месца, а злодзеі затрыманыя. Яны паспелі іх прадаць за 205 долараў, але на скупшчыка каляровага металу аператыўна выйшлі праваахоўнікі.

Злодзеі, якім 29 і 31 год, нідзе не працуюць, раней яны ўжо былі асуджаныя за крадзёж. Распачатая крымінальная справа.