Завод “Белкамунмаш” гатовы збіраць тралейбусы для Латвіі
Завод “Белкамунмаш” вядзе перамовы з Латвіяй наконт супрацоўніцтва ў сферы гарадскога электрычнага транспарту, паведамляе d-pils.lv. Гаворка ідзе пра зборку для Рыгі і Даўгаўпілса тралейбусаў з еўрапейскімі камплектуючымі, якіх павінна быць болей за 50%. Мяркуецца, што канчатковая зборка гэтых тралейбусаў будзе адбывацца ў Рызе, каб гэта быў латвійскі прадукт. Праўда, праект дамовы аб супрацоўніцтве не прайшоў яшчэ ўзгадненне. Ёсць таксама праект зборкі беларускіх трамваяў на Рыжскім вагонарамонтным заводзе, аднак пакуль ён прабуксоўвае.
