Заяц: Беларусь па ўраджаю збожжавых дасягне леташняга выніку
Паводле слоў міністра, ёсць нават магчымасці, каб яго перавысіць.
Беларусь па ўраджаю збожжавых дасягне леташняга выніку. Пра гэта ў эфіры тэлеканала "Беларусь 1" (у праграме "Галоўны эфір") заявіў міністр сельскай гаспадаркі і харчавання Леанід Заяц.
Паводле яго слоў, ёсць нават магчымасці, каб перавысіць вынік 2014 года. Праўда, лічбу не называе. Аднак вядома, што тады было сабрана 9,6 мільёнаў тон збожжа, у гаспадарках усіх катэгорый. Цяпер міністр сельскай гаспадаркі ў сваім прагнозе таксама ўлічвае фермерскія гаспадаркі ды ўраджай кукурузы.
Заяц адзначыў, што жніво скончыцца ўжо праз 2-3 дні. "З 1 млн 125 тысяч тон па дзяржзамове ўжо рэалізавана каля 900 тысяч", — цытуе словы міністра БЕЛТА.
Фота: БЕЛТА
