Жыхар Багушэўску сеў у калонію за хуліганства ў лякарні

Да 5 гадоў пазбаўлення волі асуджаны 24-гадовы жыхар Багушэўску, які сярод ночы збіў некалькіх супрацоўнікаў мясцовай лякарні ды напалохаў пацыентаў. П’яны мужчына разбіў твар і пайшоў у лякарню па дапамогу. Аднак замест таго, каб атрымаць яе, ён пачаў ганяцца за медыцынскімі сёстрамі з кіем.  Дзьве жанчыны пацярпелі ад дзеянняў хулігана, а дзяжурнаму доктару давялося зачыніцца ў ардынатарскай на ключ. “Завітаў”  п’яны і ў палату, дзе разбіў некалькі тумбачак. Акрамя перавыхавання ў папраўчай калоніі, яму давядзецца прымусова лячыцца ад алкагалізму.
Ядвіга Сташэўская, Віцебск