Жыхарка Сенненшчыны стварыла каляндар спеваў

Незвычайны каляндар, ў якім поры года пазначаныя адпаведнымі абрадавымі песнямі, стварыла жыхарка вёскі Машканы Сенненскага раёну Валянціна Багданоўская. Калісьці яна не толькі занатавала тэксты песень на даўжэзныя лісты, з якіх потым зрабіла "спеўны каляндар", але і запісала ўсе старадаўнія песні сваёй вёскі на магнітафонную касету.

Валянціна Іванаўна ўжо пайшла з жыцця, але яе незвычайны каляндар захоўваецца ў мясцовай бібліятэцы, а фальклорная група Машканскага Дома культуры развучвае па ім песенную спадчыну продкаў.

Ядвіга Сташэўская, Еўрарадыё, Віцебск