Жыхары Венецыі пахавалі свой горад

Жартаўлівае пахаванне ўласнага горада наладзілі жыхары італьянскай Венецыі, у якой імкліва скарачаеццца насельніцтва. Жалобная працэсія з трох гандол, на адной з якіх змясцілі чырвоную сімвалічную труну, праплыла па галоўных каналах і прыцягнула ўвагу шматлікіх турыстаў.

Як паведамляе ИТАР-ТАСС, гэтая акцыя, арганізаваная грамадскімі актывістамі. заклікана прыцягнуць увагу да фактычнага "вымірання" Венецыі, насельніцтва якой з сярэдзіны мінулага стагоддзя скарацілася з 300 да 60 тысяч чалавек.

Прычынай адтоку карэнных жыхароў з'яўляецца не страх перад магчымым сыходам Венецыі пад ваду, а вельмі дарагое жыццё ў горадзе і недахоп інфраструктуры.