Змітра Жалезнічэнку ў вайсковым шпіталі трымаюць пад аховай

Пад аховай трымаюць у мінскім вайсковым шпіталі сябра Партыі БНФ Змітра Жалезнічэнку. Ён пяты дзень працягвае галадоўку пратэсту.  Нагадаем, нядаўна Жалезнічэнка быў адлічаны з Гомельскага дзяржаўнага ўніверсітэту і, нягледзячы на тое, што абласны суд прызнаў гэтае рашэнне незаконным, тэрмінова прызваны ў войска, у чыгуначныя войскі. Пасля абвяшчэння галадоўкі хлопца перавялі ў Мінск.

У шпіталі да Змітра Жалезнічэнкі прыстаўлены афіцэр, які забараняе яму вонкавыя кантакты і тэлефонныя званкі. Ён, аднак, паспеў перадаць, што цяпер праходзіць абследаванні, у тым ліку і ў псіхіятра, і ўжо заўтра яго могуць зноў адправіць у вайсковую часць.

Радыё Свабода