12:29 За перавышэнне хуткасці затрыманыя 500 кіроўцаў
Больш за 500
кіроўцаў былі прыцягнутыя да адміністрацыйнай адказнасці за парушэнне
хуткаснага рэжыму ў мінулыя выходныя. Пра гэта паведамілі ва ўпраўленні
Дзяржаўтаінспекцыі краіны.
Яшчэ 209 чалавек затрыманыя за кіраванне транспартам
у нецвярозым стане. Усяго 3 і 4 сакавіка на дарогах краіны адбылося 28
дарожна-транспартных здарэнняў, у якіх загінулі 10 чалавек, яшчэ каля 20
атрымалі траўмы.
Увогуле, за мінулыя выходныя ў Беларусі выяўлена амаль 3
тысячы парушэнняў правілаў дарожнага руху, з якіх амаль 300 здзейснена
пешаходамі.
Нагадаем, з 1 сакавіка ўзмацнілася пакаранне за перавышэнне
хуткасці, кіраванне ў нецвярозым стане, карыстанне мабільным за рулём,
невыкарыстанне рамянёў бяспекі, а таксама ў дачыненні да пешаходаў, якія
парушаюць правілы дарожнага руху, паведамляе “Інтэрфакс”.
