26 ліпеня ў працы чатырох беларускіх банкаў адбыўся маштабны збой

Маштабны збой адбыўся ў працы чатырох беларускіх банкаў 26 ліпеня. Кліенты "Ідэя Банка", "Тэхнабанка" і "РРБ Банка" не маглі расплаціцца банкаўскімі картамі, не працавалі сістэмы дыстанцыйнага банкаўскага абслугоўвання. А ў "Банка БелВЭБ", акрамя таго, на працягу некалькіх гадзін не працавалі сайт і кол-цэнтр.

На збоі ў працы банкаў звярнулі ўвагу карыстальнікі TUT.by. "Незразумела па якіх прычынах перастаў працаваць сайт Банка БелВЭБ, тэлефоны таксама не працуюць", — паведаміў адзін з чытачоў. У сацсетках былі і іншыя аналагічныя паведамленні.

На сайце банка апоўдні з'явілася паведамленне:

"Паважаныя кліенты, па тэхнічных прычынах назіраюцца перабоі ў працы банкаўскіх карт, а таксама сістэм дыстанцыйнага банкаўскага абслугоўвання. Таксама праца кантакт-цэнтра часова прыпыненая.

Прыносім свае прабачэнні.

Аб аднаўленні поўнай працаздольнасці праінфармуем вас дадаткова".

Да 16:00 праца сэрвісаў банка была адноўленая.

З перабоямі 26 ліпеня працавалі яшчэ тры банкі: "Ідэя Банк", "Тэхнабанк" і "РРБ Банк". Усе яны патлумачылі праблемы збоем у працы працэсінгавага цэнтра. Усе чатыры банка абслугоўваюцца ў адным працэсінгавым цэнтры.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.