А.Лукашэнка: Апазіцыя будзе атрымліваць па мазгаўні на ўсю катушку
Аляксандр Лукашэнка ўчора ў часе наведвання спарткомплекса “Раўбічы” ў рэзкіх выразах выказаўся пра апазіцыю.
Адзін з такіх выразаў: “Такая апазіцыя — будуць атрымліваць па мазгаўні на ўсю катушку, калі будуць дэстабілізаваць абстаноўку ў краіне”, цытуе беларускага лідэра БелаПАН.
На думку кіраўніка дзяржавы, апазіцыі ў Беларусі складана з’явіцца не таму, што яе тут задушылі, а таму, што апазіцыя ў Беларусі далёкая ад народу і народных праблем. Сам Лукашэнка пэўны, што праводзіць народную палітыку. Апазіцыя ж па яго словах ідзе супраць палітыкі прэзідэнта, а значыць супраць народу і таму яе не падтрымліваюць.
Сярод іншага, Лукашэнка паабяцаў, што ўлада больш не будзе ставіцца да апазіцыі так, як ставілася раней.
