БАТЭ ў кубкавым матчы тайм правёў у меншасці, але абыграў “Іслач”

У сераду прайшлі два матчы ¼ фіналу Кубка Беларусі па футболе. У першым з іх брэсцкае “Дынама” выйграла ў “Слуцка” — 2:0. БАТЭ на полі футбольнага клуба “Мінск” перамагло “Іслач” — 2:1. Два галы ў барысаўчан у першым тайме забіў Мікалай Сігневіч. Аляксандр Халадзінскі на 73-й адзін гол адыграў. На той час БАТЭ гуляў у меншасці — на 48-й хвіліне быў выдалены Яўген Яблонскі, які без прычыны моцна штурхануў саперніка. Тэкставы анлайн гл. тут.

Матчы ў адказ пройдуць 18 сакавіка.