"МЛ Віцебск" ледзь не вылецеў з Кубка Беларусі, БАТЭ і "Дынама-Мінск" таксама прайшлі

17 чэрвеня адбыліся тры матчы 1/16 фіналу Кубка Беларусі. "МЛ Віцебск" правёў першую гульню без галоўнага трэнера Магамеда Адзіева, адхіленага ад працы. Супернікам выступіў прадстаўнік першай лігі СКА-1938, які ледзь не стварыў сенсацыю. З 54-й па 57-ю хвіліну гаспадары дзякуючы галам Вячаслава Прыгодзіча і Мірона Карыцькі выйшлі наперад — 2:0.

"МЛ Віцебск" здолеў зраўняць лік у асноўны час дзякуючы Арцёму Канцавому і Руслану Лісаковічу, які рэалізаваў пенальці.

У дадатковы час Цімур Іваноў і Мікіта Глушкоў вывелі "букмекераў" наперад. На 109-й хвіліне Алі Картоеў скараціў адставанне да 3:4, аднак на 117-й хвіліне Глушкоў устанавіў канчатковы лік — 5:3.

Пасля фінальнага свістка паміж капітанам "МЛ Віцебск" і выканаўцам абавязкаў трэнера Сяргеем Балановічам, а таксама Міронам Карыцькам узнік канфлікт.

БАТЭ пад кіраўніцтвам новага галоўнага трэнера Віталя Рагожкіна разграміў прадстаўніка першай лігі "Маладзечна" з лікам 4:1. З 70-й хвіліны гаспадары дагульвалі ў меншасці пасля прамога выдалення капітана Эдуарда Жаўнерава.

Мінскае "Дынама" ў Слуцку перамагло аднайменны клуб з першай лігі з лікам 2:0.

Астатнія матчы гэтай стадыі Кубка Беларусі пройдуць 18 ліпеня.