Беларускія ўлады не спяшаюцца адкрываць прадстаўніцтва Еўракамісіі

Офіс Еўракамісіі ў Мінску адкрываць не спяшаюцца. Прэс-сакратар Міністэрства замежных справаў Беларусі Андрэй Папоў тлумачыць гэта тым, што цяпер гэтае пытанне “праходзіць працэдуру ўнутрыдзяржаўнага ўзгаднення”.  Нагадаем, беларускія ўлады прынялі рашэнне пра адкрыццё ў Мінску прадстаўніцтва Еўракамісіі ў красавіку сёлета. Тады заяўлялася, што гэта абумоўлена правядзеннем “нармальнага працоўнага працэсу па развіццю адносінаў з Еўрасаюзам”.

Аднак у верасні камісар ЕС па знешніх сувязях і палітыцы дабрасуседства Беніта Ферэра-Вальднер падкрэсліла, што працэдуры па адкрыцці прадстаўніцтва ідуць вельмі марудна.

Хартыя-97