Большасць зніклых на Віцебшчыне – гастарбайтэры
Летась праваахоўныя органы Віцебшчыны праводзілі расследаванні па факце знікнення 400 чалавек. Як паведамляюць "Народныя навіны Віцебска", 350 з іх зніклі, адправіўшыся на заробкі ў Расію. На цяперашні час міліцыянты Віцебскай вобласці шукаюць 390 чалавек. Не выключана, што большасць з іх таксама адправіліся на будоўлі Масквы і Санкт-Пецярбурга.
