Cпявачка Мадонна трапіла ў рэанімацыю
Мадонна / Reuters
Амерыканская спявачка Мадонна трапіла ў рэанімацыю. У яе "сур'ёзная бактэрыяльная інфекцыя". Пра гэта паведаміў менеджар Мадонны Гай Озры.
Спявачку шпіталізавалі 24 чэрвеня. Некалькі дзён яна знаходзілася ў аддзяленні інтэнсіўнай тэрапіі. Стан Мадонны "паляпшаецца, але яна застаецца пад медыцынскім назіраннем", піша Озры.
Усе запланаваныя мерапрыемствы спявачкі, уключна з анансаваным канцэртным турам, прысвечаным 40-годдзю музычнай кар'еры (ён мусіў стартаваць у ліпені), адменены.
Па звестках СМІ, Мадонна была знойдзена без прытомнасці і дастаўлена ў бальніцу Нью-Ёрка. Ёй увялі трубку ў трахею, каб правесці штучную вентыляцыю лёгкіх. У такім стане яна правяла ноч. Увесь час у бальніцы побач з маці была дачка Лурдэс.
Амерыканскай спявачцы Мадоне (Луізе Чыконэ) 64 гады. Яшчэ ў ХХ стагоддзі яна была прызнаная "каралевай поп-музыкі". Яна з'яўляецца сяміразовай уладальніцай "Грэмі".
