Экспарт дрэваапрацоўчай галіны Беларусі можа перавысіць 1 млрд долараў
Экспарт дрэваапрацоўчай галіны Беларусі ў 2021 годзе можа перавысіць 1 млрд долараў. Пра гэта заявіў намеснік старшыні канцэрна "Беллеспаперпрам" Аляксандр Пшонны. Паводле яго слоў, тэмп росту экспарту ў студзені-верасні склаў 145%. Прадукцыя пастаўляецца ў 65 краін свету (30% — у краіны ЕС). "Мы выходзім на рэкордныя аб'ёмы вытворчасці і продажу", — цытуе словы Пшоннага БелаПАН.
Намеснік старшыні канцэрна "Беллеспаперпрам" заявіў, што галіна пакуль не адчувае заходніх санкцый.
