Фотафакт: беларускія калекцыянеры знайшлі ўнікальную пяцірублёўку
Беларускія калекцыянеры знайшлі ўнікальную пяцірублёўку. Серыйны нумар банкноты складаецца з васьмі лічбаў, а на беларускіх грошах іх павінна быць сем.
Як інфармуе сайт belbonistika.com, згаданую купюру можна разглядаць як брак, нягледзячы на тое, што яе існаванне заканамерна. Бо наклад кожнай серыі банкнот складае 10 мільёнаў асобнікаў. Паводле папярэдніх прагнозаў, калекцыянеры гатовыя заплаціць за знаходку не менш за 150-200 долараў.
