Гамельчука асудзілі на 4 гады і 1 месяц за спробу далучыцца да каліноўцаў
Аляксандр Айнутдзінаў / скрыншот з відэа МУС
Чатыры гады і адзін месяц калоніі атрымаў гамяльчук Аляксандр Айнутдзінаў за спробу далучыцца да палка імя Кастуся Каліноўскага, паведамляе праваабарончы цэнтр "Вясна".
46-гадовага мужчыну судзілі ў Гомельскім абласным судзе. Справу разглядаў суддзя Вячаслаў Калюка.
Акрамя спробы далучыцца да каліноўцаў Айнутдзінава абвінавацілі ў яздзе на матацыкле без правоў.
Згодна з матэрыяламі следства, гамяльчук сабраў інфармацыю пра парадак і спосабы далучыцца да палка, які ўваходзіць у склад Узброеных Сіл Украіны. Ён паспрабаваў нелегальна перайсці мяжу з Украінай, але трапіўся ў рукі беларускіх памежнікаў.
