Грошай на павышэнне пенсіяў у Беларусі сёлета няма

Магчымасці Фонду сацыяльнай абароны насельніцтва (ФСАН) не дазваляюць сёлета павышаць пенсіі. Пра гэта заявіла кіраўніца фонда Людміла Бачыла на пашыраным пасяджэнні пастаяннай камісіі Палаты прадстаўнікоў па бюджэце і фінансах.

Па яе словах, якія перадае БелаПАН, летась працоўныя пенсіі павышаліся тройчы — на 5, 7 і 5,5%. А вось сёлета заробкі не выраслі настолькі, каб можна было павысіць працоўныя пенсіі. Бачыла дадала, што пенсіянеры прывыклі да штоквартальнага пераразліку пенсій і чакаюць гэтага. На жаль, дадала яна, сёлета няма такіх фінансавых магчымасцяў.

Бачыла нагадала, што згодна з заканадаўствам пераразлік пенсій праводзіцца тады, калі сярэдні заробак за квартал вырас больш чым на 15%. Сярэдні заробак у красавіку склаў 6,53 млн рублёў. Цяперашняга ўзроўню ён дасягнуў у сярэдзіне мінулага года і на працягу наступных месяцаў вагаўся ў межах 6-6,5 млн рублёў.

У сярэдзіне 2014 года беларусі ўрад звязаў рост заробкаў на дзяржаўных прадпрыемствах з прадукцыйнасцю працы. Пасля гэтага рост заробкаў у рэальным сектары эканомікі спыніўся.

Фота — 5min.by