Іран хоча будаваць АЭС у Беларусі

Іран гатовы ўдзельнічаць у будаўніцтве атамнай электрастанцыі ў Беларусі, калі такая прапанова прыйдзе з Мінску. Пра гэта на прэс-канферэнцыі ў Мінску завіў амбасадар Ісламскай Рэспублікі Іран у Беларусі Абдальхамід Фекры.

Пры гэтым замежны дыпламат прызнаў, што наша краіна мае багаты тэхналагічны і навуковы патэнцыял і сама справіцца з пабудовай АЭС.

Нагадаем, Беларусь падтрымала ядзерную праграму Ірана, заявіўшы, што гэтая дзяржава мае на яе права ў рамках Дагавору аб нераспаўсюдзе ядзернай зброі.

Яшчэ раней свае паслугі Беларусі прапанавала расійская кампанія “Атамбудэкспарт”. Гэта тая самая кампанія, якая цяпер займаецца пабудовай АЭС у Іране.