Кандыдатку ў дэпутаты Мінгарсавета адлічылі з універсітэта
Актывістку аргкамітэта па стварэнні партыі Беларуская Хрысціянская Дэмакратыя (БХД) 18-гадовую Ірыну Губскую адлічылі з Міжнароднага дзяржаўнага экалагічнага ўніверсітэта імя Сахарава. Пра гэта паведаміў сустаршыня аргкамітэта па стварэнні БХД Павел Севярынец. Як нагадвае БелаПАН, 24 сакавіка Губскую зарэгістравалі кандыдаткай у дэпутаты Мінгарсавета.
Губская вучылася на другім курсе ўніверсітэта, на бюджэтным аддзяленні факультэта маніторынгу навакольнага асяроддзя. Афіцыйнай прычынай выключэння сталі пропускі заняткаў. Па словах Севярынца, пропускі заняткаў былі ў яе і раней, але вялікія праблемы пачаліся пасля вылучэння яе кандыдаткай у дэпутаты.
Спярша бацькам Губскай паведамілі, што справа скончыцца строгай вымовай, але 26 сакавіка падчас лекцый яе выклікалі да рэктара і паведамілі пра адлічэнне, датаванае 24 сакавіка.
Губская вучылася на другім курсе ўніверсітэта, на бюджэтным аддзяленні факультэта маніторынгу навакольнага асяроддзя. Афіцыйнай прычынай выключэння сталі пропускі заняткаў. Па словах Севярынца, пропускі заняткаў былі ў яе і раней, але вялікія праблемы пачаліся пасля вылучэння яе кандыдаткай у дэпутаты.
Спярша бацькам Губскай паведамілі, што справа скончыцца строгай вымовай, але 26 сакавіка падчас лекцый яе выклікалі да рэктара і паведамілі пра адлічэнне, датаванае 24 сакавіка.
