Лукашэнка наведае брыгаду спецпрызначэння ўнутраных войскаў МУС
Акрамя таго, ён сустрэнецца з кіраўніцтвам МУС, унутраных войскаў МУС і курсантамі факультэта ўнутраных войскаў.
5 сакавіка Аляксандр Лукашэнка наведае вайсковую часць 3214 унутраных войскаў МУС, перадае БЕЛТА.
Плануецца, што кіраўніку дзяржавы даложаць пра выкананне яго даручэнняў наконт удасканалення спецпадраздзяленняў і павышэння якасці і эфектыўнасці выканання імі службова-баявых задач. Таксама Лукашэнку пакажуць узоры ваеннай тэхнікі, ён наведае навучальны корпус факультэта ўнутраных войскаў Ваеннай акадэміі Беларусі. Распавядуць кіраўніку Беларусі і пра забеспячэнне вайскоўцаў жыллём.
Плануецца сустрэча Лукашэнкі з кіруючым складам органаў унутраных спраў, унутраных войскаў МУС і курсантамі факультэта ўнутраных войскаў.
Фота — Reuters
