Мінчанкі нараджаюць першынцаў у 25
У Мінску сярэдні ўзрост маці пры
нараджэнні першага дзіцяці складае 25 гадоў, пры нараджэнні наступнага – 30. Пра
гэта са спасылкай на камітэт па працы, занятасці і сацыяльнай абароне
Мінгарвыканкама паведамляе “БелТА”. Па словах адмыслоўцаў, цягам апошніх гадоў
у сталіцы склаўся і ўмацоўваўся ідэал сям'і з адным дзіцём. "Паніжэнне
нараджальнасці справакавалі змена поглядаў моладзі на шлюб і сям'ю, а таксама высокая
эканамічная актыўнасць жанчын", – канстатавалі ў камітэце.
Так, колькасць нараджэнняў на 1 тысячу
жанчын ва ўзросце паміж 20 і 24 гадамі за перыяд 1990 па 2005 гады скарацілася
са 132 да 58, у жанчын паміж 25 і 29 гадамі – з 95 да 75 адпаведна.
