Мноству гамельчукоў на некалькі дзён заблакавалі банкаўскія карткі
Прычынай стаў знойдзены на банкамаце скімер — прылада для счытвання кодаў з картак.
24 лютага ў банкамаце "Беларусбанка" ў цэнтры Гомеля, па вуліцы Савецкай, 44 выявілі скімер. Гэта мініяцюрная прылада, якая счытвае коды з картак. Махляры прымацоўваюць скімер да банкаматаў, а потым атрымоўваюць доступ да чужых картак, з якіх крадуць грошы.
Як піша "Комсомольская правда", банк заблакаваў усе карткі, якія ў той дзень гамельчукі ўстаўлялі ў банкамат са скімерам. Зроблена гэта для таго, каб махляры не скралі з іх грошы.
Новыя карты кліентам паабяцалі зрабіць цягам сямі дзён. А да таго часу грошы з рахунку можна зняць у банках, якія выдавалі карткі.
Фота — odsgomel.org
