На Беларускай АЭС правялі "супрацьаварыйную трэніроўку"
Беларуская АЭС / З архіву Еўрарадыё
На Беларускай АЭС правялі "супрацьаварыйную трэніроўку". Яна праходзіла два дні — 18-19 кастрычніка. Найперш адпрацоўваліся дзеянні падчас парушэння энергазабеспячэння блокаў станцыі, паведамляе gosatomnadzor.mchs.gov.by. Падкрэсліваецца, што вучэнні і трэніроўкі па адпрацоўцы рэагавання на ядзерныя і радыяцыйныя аварыі з'яўляюцца рэгулярнымі.
Пры гэтым шматпакутны першы энергаблок Беларускай АЭС не працуе ўжо амаль паўгода. Нядаўна Мінэнерга заявіла пра неабходнасць дадатковых працаў і дыягностыкі электрагенеруючага абсталявання. Другі энергаблок планавалі запусціць сёлета, але гэта малаверагодна.
