Пасля сустрэчы ў мінскім аэрапорце касманаўтку Васілеўскую павезлі да Лукашэнкі
Сустрэча Марыны Васілеўскай у мінскім аэрапорце / БЕЛТА
Беларуская касманаўтка Марына Васілеўская раніцай у чацвер вярнулася Мінск. Фота сустрэчы ў аэрапорце публікуе БЕЛТА. Агенцтва паведамляе, што касманаўтку сустракалі "журналісты, моладзь і прадстаўнікі грамадскасці". З высокапастаўленых асоб на фота можна заўважыць віцэ-прэм'ера Пятра Пархомчыка, старшыню прэзідыума НАН Уладзіміра Гусакова і гендырэктара "Белавія" Ігара Чаргінца. Да пачатку сваёй касмічнай кар'еры Васілеўская працавала ў "Белавія" сцюардэсай. Агенцтва паведамляе, што з аэрапорта Васілеўскую павязуць да Аляксандра Лукашэнкі.
Нагадаем, Васілеўская правяла на арбіце 14 сутак. На зямлю разам з іншымі ўдзельнікамі экспедыцыі, касманаўтам "Раскосмаса" Алегам Навіцкім і астранаўтам NASA Лорал О'Хара, яна вярнулася 6 красавіка.
