Польскі верталёт не парушаў паветраную прастору Беларусі
Верталёты Ми-24 / PAP
Польскі верталёт не парушаў паветраную прастору Беларусі. Паведамленні пра гэта — хлусня і правакацыя. Такую пазіцыю раніцай у нядзелю агучыў прадстаўнік аператыўнага камандавання ВС Польшчы Яцэк Гарышэўскі.
"Камандаванне вывучыла сітуацыю і выявіла, што такога інцыдэнту не было", — заявіў ён у каментары PAP.
1 верасня Дзяржпагранкамітэт Беларусі заявіў пра парушэнне паветранай прасторы польскім ваенным верталётам у Бераставіцкім раёне Гродзенскай вобласці. Нібыта ён на вельмі малой вышыні заляцеў на беларускую тэрыторыю на 1200 метраў і вярнуўся назад.
"Звесткі зводак і радыёлакацыйных запісаў сведчаць, што такога інцыдэнту не было", — сцвярджае Гарышэўскі.
