Прадстаўніка праваслаўнай царквы пакуль не запрасілі ў Пекін

Нацыянальны алімпійскі камітэт Беларусі пакуль не выказаў зацікаўленасць у паездцы праваслаўных святароў разам з беларускай зборнай на Гульні ў Пекіне.  Чатыры гады таму такая прапанова была і яны ездзілі ў Афіны, каб падтрымаць спартсменаў і благаславіць іх на спартыўныя подзвігі. Пра гэта Еўрарадыё паведаміў прэс-сакратар Беларускага Экзархату РПЦ Андрэй Петрашкевіч:

"На сённяшні дзень ніякіх прашэнняў і прапановаў ад спорткамітэта і Алімпійскага камітэта не было. А ў мінулыя гады благаславенні былі дадзеныя і нашыя святары ездзілі разам з алімпійскай зборнай у Грэцыю".

Андрэй Петрашкевіч кажа, што ў Беларускім Экзархаце пакуль чакаюць, што прадстаўнікі Алімпійскага камітэта ўсё ж звяжуцца з імі.

"Будзе прапанова, будзе благаславенне", - кажа Петрашкевіч.