Прэферэнцыі ў гандлі з ЕС Беларусі могуць вярнуцца не раней за 2009 год

У бліжэйшы год прэферэнцыі ў гандлі з ЕС Беларусі не будуць вернутыя.  Паводле словаў намесніка міністра замежных спраў нашай краіны Андрэя Яўдочанкі, "пры самым аптымістычным раскладзе" прэферэнцыі Еўракамісіі вернуцца толькі ў 2009 годзе. Ён патлумачыў, што для гэтага патрэбная пэўная працэдура ўзгаднення.

Нагадаем, Беларусь была пазбаўленая прэферэнцый альбо мытных ільготаў у чэрвені 2007-га. Такім чынам нашу краіну пакаралі за парушэнне правоў прафсаюзаў. Раней гандлёвых прэферэнцый Еўрасаюз пазбавіў толькі Бірму.

БелаПАН