Рабочых “Пінскдрэва” заклікаюць да акцыі пратэсту (фота)
У Пінску з’явіліся ўлёткі, якія рэкламуюць “італьянскі страйк” 30 жніўня.
У гэты дзень малавядомая “Рада рабочых “Пінскдрэва” прапануе на 10 хвілін спыніць працу ўсіх станкоў на заводах холдынгу на так званы “тэхнічны перапынак”, пад час якога будзе праводзіцца агляд і наладка абсталявання.
Арганізатары акцыі падкрэсліваюць, што гэта неабходнае мерапрыемства на вытворчасці, таму яно не з’яўляецца ні палітычнай акцыяй, ні класічным страйкам. Аднак спыненне станкоў пакажа адміністрацыі холдынгу салідарнасць працоўных у адстойванні сваіх правоў на годныя заробак і ўмовы працы.
Чальцы Рады рабочых сцвярджаюць, што дзеля таго, каб выжыць не жадаюць з’язджаць на заробкі ў Расію, у Пінску знаходзяцца іх дамы і сем’і.
