Радыёдэбаты кандыдатаў на прэзідэнта прайшлі без сюрпрызаў
Сёння ад 17.00 да 18.00 у жывым эфіры дзяржаўнага беларускага радыё прыйшлі дэбаты кандыдатаў на прэзідэнта. Ніхто з удзельнікаў гэтым разам не пакінуў дэманстратыўна студыю. Толькі тры кандыдаты прыйшлі на радыё — Алесь Міхалевіч, Рыгор Кастусёў і Віктар Цярэшчанка.
Яшчэ чатыры кандыдаты накіравалі на радыё сваіх давераных асобаў. Уладзіміра Някляева прадстаўляў Аляксандр Фядута, Мікалая Статкевіча — Сяргей Марцалеў. За Віталя Рымашэўскага выступаў Анатоль Міхнавец, а за Яраслава Раманчука — Анатоль Лябедзька. Яшчэ тры кандыдаты ніякім чынам не ўдзельнічалі ў радыёдэбатах — гэта Аляксандр Лукашэнка, Дзмітры Ус і Андрэй Саннікаў.
Вядоўца дэбатаў паводзіўся вельмі стрымана, не задаваў вострых правакацыйных пытанняў і перапыняў прамоўцаў толькі тады, калі заканчваўся іх час. Увогуле дэбаты праходзілі даволі спакойна, за выняткаў некаторых выпадаў Сяргея Марцалева, прадстаўніка Мікалая Статкевіча. Напрыклад, ён абвінаваціў беларускае радыё і тэлебачанне ў тым, што яны спачатку стваралі негатыўны вобраз Еўропы ў сваіх перадачах, а цяпер робяць ворага з Расіі. Праўда, спрэчкі на гэты конт не атрымалася.
Палітыкі зноў выступалі адзіным фронтам. Яны пераказвалі свае выбарчыя праграмы, крытыкавалі Аляксандра Лукашэнку і казалі пра неабходнасць пераменаў у Беларусі. Прадстаўнікі Віталя Рымашэўскага, Ўладзіміра Някляева і Яраслава Раманчука заклікалі выбаршчыкаў прыйсці 19 снежня на Кастрычніцкую плошчу. Апроч таго, большасць прамоўцаў заклікала выбаршчыкаў не галасаваць датэрмінова.
Завяршыліся дэбаты супольным поклічам “Жыве Беларусь!”
Яшчэ чатыры кандыдаты накіравалі на радыё сваіх давераных асобаў. Уладзіміра Някляева прадстаўляў Аляксандр Фядута, Мікалая Статкевіча — Сяргей Марцалеў. За Віталя Рымашэўскага выступаў Анатоль Міхнавец, а за Яраслава Раманчука — Анатоль Лябедзька. Яшчэ тры кандыдаты ніякім чынам не ўдзельнічалі ў радыёдэбатах — гэта Аляксандр Лукашэнка, Дзмітры Ус і Андрэй Саннікаў.
Вядоўца дэбатаў паводзіўся вельмі стрымана, не задаваў вострых правакацыйных пытанняў і перапыняў прамоўцаў толькі тады, калі заканчваўся іх час. Увогуле дэбаты праходзілі даволі спакойна, за выняткаў некаторых выпадаў Сяргея Марцалева, прадстаўніка Мікалая Статкевіча. Напрыклад, ён абвінаваціў беларускае радыё і тэлебачанне ў тым, што яны спачатку стваралі негатыўны вобраз Еўропы ў сваіх перадачах, а цяпер робяць ворага з Расіі. Праўда, спрэчкі на гэты конт не атрымалася.
Палітыкі зноў выступалі адзіным фронтам. Яны пераказвалі свае выбарчыя праграмы, крытыкавалі Аляксандра Лукашэнку і казалі пра неабходнасць пераменаў у Беларусі. Прадстаўнікі Віталя Рымашэўскага, Ўладзіміра Някляева і Яраслава Раманчука заклікалі выбаршчыкаў прыйсці 19 снежня на Кастрычніцкую плошчу. Апроч таго, большасць прамоўцаў заклікала выбаршчыкаў не галасаваць датэрмінова.
Завяршыліся дэбаты супольным поклічам “Жыве Беларусь!”
