Расійскія вайскоўцы прарваліся на тэрыторыю "Азоўсталі"
Расійскія вайскоўцы прарваліся на тэрыторыю "Азоўсталі", піша "Украінская праўда".
Мэр Марыупаля Вадзім Бойчанка ў эфіры ўкраінскага тэлемарафону заявіў, што баі на тэрыторыі завода працягваюцца другі дзень. Расіяне штурмуюць "Азоўсталь" танкамі, артылерыяй, з караблёў і авіяцыі.
Па словах мэра, сувязь з абаронцамі знікла.
У Маскве ўжо некалькі разоў казалі пра тое, што "ўзялі Марыупаль", але на "Азоўсталі" працягваецца супраціў украінскіх вайскоўцаў. Шмат аналітыкаў кажуць, што Расіі важна атрымаць поўны кантроль над горадам да 9 траўня. Між тым на заводзе па-ранейшаму застаюцца мірныя жыхары — паводле прыблізных падлікаў, іх каля дзвюх соцень.
