Адвакаты абскардзяць ўтрыманне Някляева пад хатнім арыштам
15 сакавіка Мінскі гарадскі суд разгледзіць касацыйную скаргу адвакатаў Уладзіміра Някляева на падаўжэнне тэрмінаў следства і ўтрыманне пад вартай.
Як адзначыла адвакат палітыка Тамара Сідарэнка, КДБ падоўжыў тэрміны следства па абвінавачанні Някляева ў арганізацыі "масавых беспарадкаў" да 20 траўня. І на гэты тэрмін падоўжанае яго ўтрыманне пад хатнім арыштам. Гэта рашэнне адвакаты і спрабуюць абскардзіць, паведамляе сайт zapraudu.info.
