Алімпійская зборная Беларусі выйграла ў Новай Зеландыі — 1:0! (фота+відэа)
Адзіны гол на апошняй хвіліне першага тайма пасля падачы Рэнана Брэсана з вуглавога галавой забіў Дзмітрый Бага.
У першым тайме спачатку на полі "гаспадарылі" футбалісты зборнай Новай Зеландыі, але беларусы здолелі выраўняць гульню і адкрыць лік. А напрыканцы другога тайму беларусы наладзілі сапраўдны штурм брамы сапернікаў, спрабуючы забіць другі мяч. Пасля ўдару Сяргея Карніленкі мяч патрапіў у перакладзіну.
Беларуская зборная выступала ў наступным складзе: Гутар, Казлоў, Паліцевіч, Кузьмянок, Палякоў, Бага, Драгун (к), Гардзяйчук, Брэсан (Варанкоў, 80), Салавей (Алексіевіч, 54), Карніленка (Зубовіч 92+).
У іншым матчы нашай групы Бразілія перамагла Егіпет — 3:2 (Рафаэл да Сілва, 17, Леар, 26, Неймар, 30; Абутрыка, 52, Салах, 76). Пасля першага туру лідыруюць Беларусь і Бразілія, у якіх па 3 ачкі.
29 ліпеня зборная Беларусі гуляе з Бразіліяй.
Гол Дзмітрыя Багі
Фота — daylife.com
