Аляксандр Лукашэнка: "Мы сілай трымаем людзей"

Заява прагучала 13 снежня, калі Лукашэнка наведваў "Магілёўдрэў".

"Так, мы сілай тут утрымліваем людзей. Чаму? Таму што яны правалілі заданне, нанеслі шкоду, калі хочаце", — перадае interfax.by словы кіраўніка дзяржавы. Ён запатрабаваў, каб кіраўніцтва дрэваапрацоўчых прадпрыемстваў у І квартале наступанага года зрабіла работнікам заробкі ў 450-500 долараў: "Калі мы тут утрымліваем людзей і сілай прымушаем працаваць, то павінны і "цукерку" даць".

Таксама Лукашэнка заявіў, што на мадэрнізацыю прамысловасці будуць накіраваныя дадатковыя сродкі. Іх атрымаюць ад скарачэння шэрагу іншых дзяржпраграм, у прыватнасці культуры і спорту.

Нагадаем, што нядаўнім дэкрэтам кіраўнік дзяржавы фактычна забараніў звальняцца работнікам дрэваапрацоўчых прадпрыемстваў, якія знаходзяцца ў стадыі мадэрнізацыі.