Для Калядаў і Новага года ў Беларусі вырубяць 170 тысяч елак
Менавіта столькі дрэваў сёлета пойдзе пад сякеру, каб стаць проста элементам святочнага дэкору і потым трапіць на сметнік.
Тым часам беларусы не імкнуцца зрабіць святкаванне Калядаў і Новага году больш экалагічным, піша naviny.by. Штучныя ялінкі замежнай вытворчасці каштуюць дорага, да 2 мільёнаў рублёў. Дый самую танную за 100-150 тысяч набудзе не кожны, калі можна знайсці жывое дрэва, яшчэ ў 3-4 разы таннейшае.
Але натуральныя елкі могуць быць небяспечнымі. Рэч у тым, што на галінках дрэваў расце грыбок, які можа справакаваць цэлы шэраг праблемаў са здароўем. Менавіта таму на калядныя і навагоднія святы шмат хто пачынае чыхаць, кашляць, а таксама скардзіцца на бяссонніцу і стому.
