Еўрапейскія дыпламаты наведалі Курапаты
3 лістапада кіраўнікі дыпламатычных місій краін ЕС наведалі ўрочышча Курапаты, дзе пахаванныя ахвяры сталінскага тэрору.
Для дыпламатаў ЕС ужо стала традыцыяй наведваць урочышча з нагоды Дзядоў, Дня памінання продкаў, каб аддаць даніну павагі памяці ахвяраў таталітарнага рэжыму.
Дыпламаты ўсклалі кветкі на пагорку каля Курапацкага каменя — ім пазначанае месца, абранае ўрадам Беларусі для ўзвядзення мемарыяла. Помнік мусіў увекавечыць памяць пра трагічныя лёсы людзей, забітых і пахаваных тут. Што праўда, паставіць гэты помнік улады не могуць ужо другое дзесяцігоддзе.
