Гандляры прапануюць добрушскі посуд танней за вытворцу
Колькасць посуду вытворчасці Добрушскага парцалянавага заводу, якая закупляецца айчыннымі камерцыйнымі структурамі, рэзка павялічылася.
Як паведамляе гомельскае радыё, камерсанты, парушаючы ўмовы кантракту, паводле якога яны павінны прадаваць прадукцыю толькі ў Беларусі, перапраўляюць яе ў Расію. Карыстаючыся сітуацыяй, якая склалася з курсамі валют і тым, што ўнутраныя кошты значна ніжэй экспартных, прыватнікі прапануюць добрушскі посуд танней, чым сам вытворца.
