Мінскага чыноўніка падазраюць у вымаганні ў еўрапейцаў хабару — $500 тысяч
Сталі вядомыя акалічнасці затрымання 6 ліпеня першага намесніка старшыні Мінгарвыканкама Ігара Васільева.
Як паведамляе БЕЛТА, чыноўнік, нібыта, спадзяваўся атрымаць хабар ад еўрапейскага інвестара. За спрыяльнае вырашэнне пытання, якое ўваходзіла ў яго кампетэнцыю, Васільеў патрабаваў паўмільёна долараў. Падчас атрымання першай часткі — 250 тысяч долараў — яго затрымалі супрацоўнікі КДБ. Расследаваннем справы цяпер займаецца Следчы камітэт.
