На Кальварыйскіх могілках Мінску прайшла талака
Праўда, добраўпарадкаваць могілкі давялося пад наглядам спецслужбаў.
Нагадаем, у гістарычнай частцы могілак мінскі "Спецкамбінат" змясціў папераджальныя пазнакі пра магчымы знос шэрагу пахаванняў. Каб захаваць магілы, грамадскія актывісты вырашылі іх добраўпарадкаваць. Іх ініцыятыву падтрымаў і настаяцель Кальварыйскага касцёла, ксёндз Андрэй Бародзіч.
Але, па звестках Радыё "Свабода", калі актывісты прыйшлі на Кальварыю на талаку, іх там ўжо чакалі пяцёра супрацоўнікаў спецслужбаў. Пры гэтым двое з іх здымалі актывістаў на камеру.
У адміністрацыі Кальварыйскіх могілак кажуць, што магілы зносіць не збіраліся, а пазнакі на магілах зрабілі толькі для таго, каб пахаванні даглядалі.
