Настасся Марыніна — новая старшыня асацыяцыі спартыўнай прэсы (фота)
У сераду 17-га кастрычніка беларускія спартовыя журналісты выбіралі новага старшыню сваёй асацыяцыі (БАСП).
Вядомы беларускі тэлекаментатар Уладзімір Навіцкі нечакана прапанаваў на пасаду Настассю Марыніну ― прэс-сакратара Беларускай федэрацыі лёгкай атлетыкі. Упадабаў аксакал беларускай журналістыкі тое, што Настасся ведае замежныя мовы, з’яўляецца былой спартсменкай і высокакваліфікаванай журналісткай.
У выніку Настассю Марыніну абралі адзінагалосна. Цікава, што сваю перадвыбарчую прамову журналістка рабіла па-беларуску.
Фота з сацыяльных сетак
