РНЕ: Нашы людзі дзяўчат з FEMEN не чапалі
Беларускія прыхільнікі руху РНЕ сцвярджаюць, што не маюць ніякага дачынення да выкрадання трох украінак.
“Рускае нацыянальнае адзінства” называе падобныя паведамленні правакацыяй і будзе разбірацца, каму яна выгодная. “Нашы людзі іх не чапалі, як бы каму ні хацелася гэта ўявіць”, — цытуе прадстаўнікоў РНЕ “Наша Ніва”.
Нагадаем, што трох актывістак украінскага руху FEMEN невядомыя мужчыны схапілі на мінскім аўтавакзале “Усходні”, вывезлі ў лес на мяжу з Украінай і паздзекаваліся з дзяўчат. Пры гэтым невядомыя людзі называлі сябе сябрамі РНЕ.
