Савет ААН па правах чалавека прызначыць спецдакладчыка па Беларусі?
Прызначэнне спецдакладчыка стане адэкватнай рэакцыяй на парушэнні праў чалавека ў краіне, — мяркуе прадстаўнік Міжнароднай федэрацыі праў чалавека Глен Паёт.
У інтэрв’ю БелаПАН сп. Паёт адзначыў, што пагаршэнне сітуацыі з правамі чалавека ў краіне, якое працягваецца з моманту прэзідэнцкіх выбараў, выклікае ў праваабаронцаў вялікую трывогу.
"Увядзенне мандата спецдакладчыка будзе яшчэ адной магчымасцю аказваць ціск на беларускі рэжым, а таксама магчымасць яшчэ раз паказаць сваю падтрымку грамадству і людзям Беларусі", — дадаў Глен Паёт.
Фота: www.segodnya.ua.
