Супольная малітва за Беларусь прайшла ў Вільні
У ёй удзельнічалі сябры БХД, прадстаўнікі Аб’яднанай грамадзянскай партыі, Беларускага прадстаўніцтва і Таварыства беларускай культуры ў Літве.
Акцыя праходзіла ў Базыльянскіх мурах на прыступках былой Віленскай беларускай гімназіі. Удзельнікі запалілі знічы ў форме крыжа, разгарнулі бел-чырвона-белы сцяг і партрэты палітвязняў. Да малітвы за Беларусь далучыліся ўдзельнікі Катынскага рэйду з Польшчы.
Пасля ўдзельнікі акцыі паставілі знічы да памятных шыльдаў ксяндзу Адаму Станкевічу, пісьменніку Максіму Гарэцкаму і аўтарцы гімну “Магутны Божа” Наталлі Арсенневай.
